റയൽ മാഡ്രിഡ് താരം വിനീഷ്യസിന് എതിരെ അപകടകരമായ ഫൗൾ നടത്തിയ പൗളിസ്റ്റ വിലക്ക് നേരിടും. സ്പാനിഷ് ഫുട്ബോൾ ഫെഡറേഷന്റെ അച്ചടക്ക സമിതി വെള്ളിയാഴ്ച വലൻസിയ താരം പൗളിസ്റ്റയെ രണ്ട് മത്സരങ്ങളിൽ വിലക്കാൻ തീരുമാനിച്ചു. നഷ്ടമാകും. ആ
വ്യാഴാഴ്ച വലൻസിയയ്ക്കെതിരെ മാഡ്രിഡ് 2-0ന് വിജയിച്ച മത്സരത്തിൽ 72-ാം മിനിറ്റിലായിഎഉന്നു വിനീഷ്യസിന്റെ കാലിൽ പൗളിസ്റ്റ കിക്ക് ചെയ്തത്. ചുവപ്പ് കാർഡ് വാങ്ങി ഉടൻ താരം കളം വിട്ടിരുന്നു. വിനീഷ്യസിന് വലിയ പരിക്കേൽക്കാത്തത് ഭാഗ്യമായാണ് കണക്കാക്കപ്പെടുന്നത്. താൻ ചെയ്ത ഫൗളിന് പൗളിസ്റ്റ കഴിഞ്ഞ ദിവസം പരസ്യമായി മാപ്പു പറഞ്ഞിരുന്നു. ഈ വിലക്കോടെ ഞായറാഴ്ച നടക്കുന്ന ലാലിഗയിലെ ജിറോണയ്ക്കെതിരായ മത്സരവും അത്ലറ്റിക് ബിൽബാവോയ്ക്കെതിരായ അടുത്ത റൗണ്ടിലെ മത്സരവും പോളിസ്റ്റയ്ക്ക് നഷ്ടമാകും.
