ഉംറ്റിറ്റിക്ക് വീണ്ടും പരിക്ക്, ഇനി ഈ സീസണിൽ കളിക്കില്ല

Newsroom

Download the Fanport app now!
Appstore Badge
Google Play Badge 1

ഫ്രഞ്ച് താരം സാമുവൽ ഉംറ്റിറ്റി വീണ്ടും പരിക്ക്. താരത്തിന്റെ ഇടതു മുട്ടിന് പരിക്കേറ്റതായി ബാഴ്സലോണ അറിയിച്ചും താരം ആഴ്ചകളോളം പുറത്തിരിക്കേണ്ടി വരുമെന്നാണ് റിപ്പോർട്ടുകൾ. ഈ സീസണിൽ ഇനി കളിക്കാൻ സാധ്യതയില്ല. സീസണിൽ നിർണായക ഘട്ടത്തിലാണ് ബാഴ്സലോണക്ക് വീണ്ടും ഉംറ്റിറ്റിയെ നഷ്ടമാകുന്നത്. രണ്ടാഴ്ച മുമ്പ് മാത്രമായിരുന്നു ഉംറ്റിറ്റിക്ക് പരിക്ക് മാറി ടീമിനൊപ്പം ചേർന്നത്.

2018-19 സീസൺ തുടക്കം മുതൽ ഉംറ്റിറ്റിയെ പരിക്ക് വേട്ടയാടുകയാണ്. അതുകൊണ്ട് തന്നെ താരം തന്റെ പഴയ ഫോമിലേക്ക് പിന്നീട് എത്തിയതുമില്ല. ഉംറ്റിറ്റിക്ക് ബാഴ്സലോണയിൽ എത്തിയ ശേഷം വരുന്ന പത്താമത്തെ പ്രധാന പരിക്കാണ് ഇത്. ഇത് വരെ 60ൽ അധികം മത്സരങ്ങൾ പരിക്ക് കാരണം ഉംറ്റിറ്റിക്ക് ബാഴ്സലോണയിൽ നഷ്ടമായി.