ഡീഗോ സിമിയോണി അത്ലറ്റിക്കോ മാഡ്രിഡിൽ പുതിയ റെക്കോർഡ് കുറിച്ചു. 613 മത്സരങ്ങളിൽ ക്ലബ്ബിനെ പരിശീലിപ്പിച്ചു കിണ്ട് ഏറ്റവും കൂടുതൽ മത്സരങ്ങളിൽ ടീമിനെ പരിശീലിപ്പിച്ച ആളായി സിമിയോണി മാറി. 612 മത്സരങ്ങളിൽ ടീമിനെ പരിശീലിപ്പിച്ച ഇതിഹാസ കോച്ച് ലൂയിസ് അരഗോൺസിന്റെ മുൻ റെക്കോർഡ് ആണ് സിമിയോണി മറികടന്നത്.
2011ൽ ആണ് അത്ലറ്റിക്കോ മാഡ്രിഡിന്റെ പരിശീലകനായി സിമിയോണി ചുമതലയേറ്റത്., അതിനുശേഷം ലാ ലിഗ, കോപ്പ ഡെൽ റേ, യൂറോപ്പ ലീഗ് കിരീടങ്ങളിലേക്ക് എല്ലാം അദ്ദേഹം ടീമിനെ നയിച്ചു. 8 കിരീടങ്ങൾ അദ്ദേഹം മാനേജർ എന്ന നിലയിൽ അത്ലറ്റിക്കോ മാഡ്രിഡിൽ നേടി. ഇന്നലെ മാഡ്രിഡിലെ വാൻഡ മെട്രോപൊളിറ്റാനോ സ്റ്റേഡിയത്തിൽ ലാ ലിഗയിൽ വലൻസിയക്ക് എതിരായ മത്സരത്തിലാണ് സിമിയോണി ഈ റെക്കോർഡ് കുറിച്ചത്
