ഇതിഹാസ താരം റൊണാൾഡിഞ്ഞോയുടെ പുത്രൻ ജാവോ മെൻഡസ് ബാഴ്സലോണയിലേക്ക്. താരം ബാഴ്സലോണയിൽ ഇന്ന് കരാർ ഒപ്പുവെച്ചു. 17കാരനായ താരം ബാഴ്സലോണ യൂത്ത് ടീമിനൊപ്പം ട്രയൽസിൽ അവസാന മാസങ്ങളിൽ ഉണ്ടായിരുന്നു. ബാഴ്സലോണ തനിക്ക് തന്ന അവസരത്തിന് നന്ദിയുണ്ട് എന്നും ഇതൊരു അത്ഭുത് നിമിഷം ആണെന്നും കരാർ ഒപ്പുവെച്ച ശേഷം മെൻഡസ് പറഞ്ഞു.
നേരത്തെ ബ്രസീലിയൻ ക്ലബ്ബ് ആയ ക്രൂസെറിയോയുടെ താരമായിരുന്ന പതിനെഴുകാരൻ, ടീമുമായുള്ള ബന്ധം വിച്ഛേദിച്ചാണ് ബാഴ്‌സയിലേക്ക് വിമാനം കയറിയത്. യൂത്ത് ടീമായ “ജുവനൈൽ എ” ക്കൊപ്പം ആവും താരം ആദ്യം കളിക്കുക ചേരുക.
“തന്റെ ജീവിതത്തിന്റെ ഭാഗമാണ് ഈ ക്ലബ്ബ്, എന്നും എവിടെയും ബാഴ്‌സയുടെ പേര് തന്റെ കൂടെ ഉണ്ടായിരുന്നു. മകൻ കൂടി ടീമിൽ എത്തുന്നതോടെ ഈ ബന്ധം കൂടുതൽ ഊട്ടിയുറപ്പിക്കും.” എന്ന് റൊണാൾഡിഞ്ഞോ അടുത്തിടെ ഈ നീക്കത്തെ കുറിച്ച് പറഞ്ഞിരുന്നു.
