റയൽ മാഡ്രിഡിൽ ചേരാൻ താൻ റോഡ്രിയോട് എന്നും പറയാറുണ്ട് എന്ന് സ്പാനിഷ് ഡിഫൻഡർ ഡാനി കാർവഹാൽ. മാഞ്ചസ്റ്റർ സിറ്റി വിടണമെന്നും റയൽ മാഡ്രിഡിൽ റോഡ്രി എത്തണം എന്നുമാണ് തന്റെ ആഗ്രഹം എന്നും ഡാനി കാർവഹാൽ പറഞ്ഞു.
“ഞാൻ അവനോട് എല്ലാ ദിവസവും മാഞ്ചസ്റ്റർ സിറ്റി വിടാൻ പറയുന്നു, അവിടെ സൂര്യനില്ലാത്ത കാലാവസ്ഥ ആണെന്നും ഞങ്ങൾക്ക് അവനെ ആവശ്യമുണ്ടെന്നും മാഡ്രിഡിലേക്ക് വരണമെന്നും ഞാൻ പറയുന്നു”
“അദ്ദേഹത്തിന് ഒരു കരാറുണ്ടെന്ന് അദ്ദേഹം എന്നോട് പറയുന്നു … പക്ഷേ അവൻ ഞങ്ങൾക്ക് അനുയോജ്യനായ താരമാണെന്നാണ് എന്റെ വിശ്വാസൻ.” കാർവഹാൽ പറഞ്ഞു.
2019-ൽ അത്‌ലറ്റിക്കോ മാഡ്രിഡിൽ നിന്ന് മാഞ്ചസ്റ്റർ സിറ്റിയിൽ എത്തിയത് മുതൽ സിറ്റിയുടെ പ്രധാന താരമാണ് റോഡ്രി. മാഞ്ചസ്റ്റർ സിറ്റിക്ക് ഒപ്പം 4 പ്രീമിയർ ലീഗ് കിരീടം ഉൾപ്പെടെ 10 കിരീടങ്ങൾ ഇതുവരെ റോഡ്രി നേടിയിട്ടുണ്ട്. .
