ഒസാസുനയ്‌ക്കെതിരായ റയൽ മാഡ്രിഡിൻ്റെ 4-0 വിജയത്തിന്റെ സന്തോഷം പരിക്കുകൾ കാരണം ആഘോഷിക്കാൻ ആവാത്ത അവസ്ഥയിൽ ആണ് റയൽ മാഡ്രിഡ് ആരാധകർ. 3 താരങ്ങൾക്ക് ഇന്നലെ നടന്ന മത്സരത്തിനിടയിൽ പരിക്കേറ്റു.
സെൻ്റർ-ബാക്ക് എഡർ മിലിറ്റാവോയുടെ വലത് കാൽമുട്ടിന് എസിഎൽ ഇഞ്ച്വറി ഉണ്ടായി. മാസങ്ങളോളം അദ്ദേഹത്തിന് ഇനി കളിക്കാൻ ആകില്ല. ഈ സീസണിൽ തിരികെ വരുന്നത് സംശയമാണ്. ഒരു റീബൗണ്ട് ചെയ്ത പന്ത് ക്ലിയർ ചെയ്യാൻ മിലിറ്റോ ശ്രമിക്കുന്നതിനിടയിലാണ് പരിക്ക് സംഭവിച്ചത്,
ഫോർവേഡ് റോഡ്രിഗോ കാലിന് പരിക്കേറ്റതിനാൽ ബെഞ്ചിൽ ഐസ് വെച്ച് ചികിത്സ സ്വീകരിക്കുന്നത് ഇന്നലെ കാണപ്പെട്ടു. കൂടാതെ റൈറ്റ് ബാക്ക് ലൂക്കാസ് വാസ്ക്വസ് ഹാഫ് ടൈമിൽ കാലിന് പ്രശ്‌നമുണ്ടായതിനെ തുടർന്ന് പകരക്കാരനായി കളം വിടേണ്ടതായും വന്നു. ഇതിനകം തന്നെ റയലിന്റെ തിബോട്ട് കോർതോ, ഡാനി കാർവാഹൽ തുടങ്ങിയവർ പരിക്കേറ്റ് പുറത്താണ്‌.
