എംബപ്പെയുടെ സൈനിംഗ് റയൽ മാഡ്രിഡ് തിങ്കളാഴ്ച പ്രഖ്യാപിക്കും എന്ന് സ്പാനിഷ് മാധ്യമങ്ങൾ റിപ്പോർട്ട് ചെയ്യുന്നു. ചാമ്പ്യൻസ് ലീഗ് ഫൈനൽ കഴിഞ്ഞ ഉടൻ റയൽ മാഡ്രിഡ് കരാർ നടപടികൾ പൂർത്തിയാക്കും. ഇതിനു പിന്നാലെ എംബപ്പെയെ ആരാധകരുടെ മുന്നിൽ അവതരിപ്പിക്കുന്ന വലിയ ചടങ്ങും ഉണ്ടാകും എന്നാണ് റിപ്പോർട്ടുകൾ.
പി എസ് ജി വിട്ട എംബപ്പെ റയൽ മാഡ്രിഡിലേക്ക് തന്നെ എന്ന് നേരത്തെ ഉറപ്പായിരുന്നു. 2029 വരെയുള്ള കരാർ എംബപ്പെ റയലിൽ ഒപ്പുവെക്കും. 25 മില്യണ് അടുത്ത് അദ്ദേഹത്തിന് ബോണസുകൾ ഉൾപ്പെടെ റയലിൽ സാലറി ലഭിക്കും എന്നും റിപ്പോർട്ടുകൾ ഉണ്ട്. സൈനിംഗ് ബോണസ് ആയി 120 മില്യണോളവും റയൽ നൽകും.
യൂറോ കപ്പ് ആരംഭിക്കുന്നതിന് മുമ്പ് തന്നെ എംബപ്പെയുടെ സൈനിംഗ് പൂർത്തിയാക്കാൻ റയൽ മാഡ്രിഡ് തീരുമാനിച്ചിരിക്കുന്നത്. ജൂൺ 14നാണ് യൂറോ കപ്പ് ആരംഭിക്കുന്നത്.
