ഇന്നലെ ലാസ് പാൽമാസിൻ്റെ ഹോം ഗ്രൗണ്ടിൽ നടന്ന വാശിയേറിയ മത്സരത്തിൽ റയൽ മാഡ്രിഡ് ലാസ് പാൽമാസിന് എതിരെ 1-1 എന്ന സമനിലയിൽ പിരിഞ്ഞു. ആതിഥേയരെ മുന്നിലെത്തിച്ച് ലാസ് പാൽമാസിനായി അഞ്ചാം മിനുട്ടിൽ മൊലേരിയോ ഗോൾ. ആദ്യ പകുതിയിൽ ഈ ലീഡ് നിലനിർത്താൻ പാൽമാസിനായി. 69ആം മിനിറ്റിൽ വിനീഷ്യസ് ജൂനിയറിൻ്റെ ഗോളിൽ റയൽ മാഡ്രിഡ് സമനില പിടിച്ചു. ഒരു പെനാൾട്ടിയിൽ നിന്നായിരുന്നു ഈ ഗോൾ.
അടുത്തിടെ റോയൽ മാഡ്രിഡിൽ ചേർന്ന കൈലിയൻ എംബാപ്പെ ഗോളടിക്കാൻ പലതവണ ശ്രമിച്ചെങ്കിലും ഗോൾ കണ്ടെത്താനായില്ല. ഈ മത്സരം ലാ ലിഗയിലെ എംബപ്പെയുടെ ഗോൾ ഇല്ലാത്ത മൂന്നാമത്തെ മത്സരമാണ്. ക്ലബ്ബിനായുള്ള തൻ്റെ ആദ്യ ലാലിഗ ഗോളിനായുള്ള തിരച്ചിലിലാണ് അദ്ദേഹം.
ഈ ഫലം റയൽ മാഡ്രിഡിൻ്റെ മൂന്ന് മത്സരങ്ങളിൽ നിന്നുള്ള രണ്ടാം സമനിലയാണ്, അവരുടെ സീസൺ തുടക്കത്തിലെ ഈ ഫോം ആശങ്കകൾ ഉയർത്തുന്നു. കിരീടപ്പോരാട്ടത്തിൽ പിന്നാക്കം പോകാതിരിക്കാൻ ടീം വേഗത്തിൽ വിജയ വഴിയിൽ എത്തേണ്ടതുണ്ട്.
