ബാഴ്സലോണയുടെ യുവതാരം ലമിനെ യമാൽ ബാഴ്സലോണയിൽ തന്നെ തുടരും എന്ന് ബാഴ്സലോണ ഡയറക്ടർ ഡെകോ. 16-കാരനായ ലമാൽ 18 വയസ്സിൽ എത്തുമ്പോൾ ബാഴ്സലോണ താരത്തിന് ദീർഘമായ കരാർ തന്നെ നൽകും എന്ന് ഡെകോ പറഞ്ഞു. ഇപ്പോൾ തന്നെ ലമാലിന് 3 വർഷത്തെ കരാർ ഉണ്ട്. ലമാൽ ക്ലബിൽ തുടരും അതിൽ ആശങ്ക വേണ്ട. ഡെകോ പറഞ്ഞു.
ലമാലിന് 18 വയസ്സാകുമ്പോൾ താരം ദീർഘകാലം നീണ്ടു നിൽക്കുന്ന ഒരു കരാറിൽ ഒപ്പുവെക്കുമെന്നും ഡെക്കോ പറഞ്ഞു. ലമാൽ അത്ഭുതകരമായ പ്രകടനമാണ് ഈ ചെറിയ വയസ്സിൽ ബാഴ്സലോണ സീനിയർ ടീമിനായി കാഴ്ചവെക്കുന്നത്. ബാഴ്സലോണക്ക് ആയി ഇതിനകം 24 സീനിയർ മത്സരങ്ങൾ കളിച്ച താരം 2 അസിസ്റ്റും ഒരു ഗോളും നേടിയിട്ടുണ്ട്.
സ്പാനിഷ് ദേശീയ ടീമായും താരം അരങ്ങേറ്റം നടത്തി കഴിഞ്ഞു. ആറാം വയസ്സു മുതൽ യമാൽ ബാഴ്സലോണക്ക് ഒപ്പം ഉണ്ട്.
