ബാഴ്സലോണയുടെ രണ്ടാം ഗോൾ കീപ്പർ നെറ്റോ ക്ലബ് വിടാൻ ശ്രമിക്കുന്നതായാണ് വാർത്തകൾ. ഈ സീസണിൽ ടീമിലേക്ക് എത്തിയ നെറ്റോ അവസരങ്ങൾ തീരെ ലഭിക്കാത്തത് കൊണ്ടാണ് ക്ലബ് വിടാൻ ഒരുങ്ങുന്നത്. വലൻസിയയിൽ നിന്ന് വന്ന നെറ്റോ വലൻസിയയിലേക്ക് തന്നെ തിരിച്ചു പോകാൻ ആണ് ശ്രമിക്കുന്നത്. നെറ്റോ ക്ലബ് വിട്ടാൽ അയാക്സ് ഗോൾ കീപ്പർ ഒനാനയെ ബാഴ്സലോണ സ്വന്തമാക്കും എന്ന് അഭ്യൂഹങ്ങൾ ഉണ്ടായിരുന്നു.
എന്നാൽ ഒനാനയെ സൈൻ ചെയ്യില്ല എന്നാണ് ക്ലബുമായി അടുത്ത വൃത്തങ്ങൾ പറയുന്നത്. പകരം ബാഴ്സലോണയുടെ തന്നെ യുവ താരമായ ഇനാകി പെനയെ ഫസ്റ്റ് ടീമിലേക്ക് പ്രൊമോട്ട് ചെയ്യാൻ ആണ് ബാഴ്സലോണ ആലോചിക്കുന്നത്. മികച്ച ഗോൾ കീപ്പറാകും എന്ന് പ്രവചിക്കപ്പെടുന്ന പെന ഇപ്പോൾ ബാഴ്സലോണ റിസേർവ്സ് ടീമിന്റെ ഗോൾ കീപ്പറാണ്.
