സ്പാനിഷ് ലീഗിൽ മത്സര ക്രമങ്ങൾ പുറത്ത് വിട്ടു. ആരാധകർ കാത്തിരുന്ന എൽ ക്ലാസിക്കോ തീയതിയും ഇതോടെ പുറത്ത് വന്നു. ഒക്ടോബർ, മാർച്ച് മാസങ്ങളിലാണ് 2019-2020 സീസണിലെ ക്ലാസ്സിക്കോ മത്സരങ്ങൾ അരങ്ങേറുക.
ഒക്ടോബർ 27 ന് നടക്കുന്ന ആദ്യ ക്ലാസ്സിക്കോ പോരാട്ടം ബാഴ്സയുടെ മൈതാനമായ ക്യാമ്പ് ന്യൂവിൽ ആണ് അരങ്ങേറുക. മാർച് 1 ന് ആണ് സാന്റിയാഗോ ബെർണാബുവിൽ ക്ലാസ്സിക്കോ അരങ്ങേറുക. ഓഗസ്റ്റ്‌ മാസം 18 ആം തിയതിയാണ് ല ലീഗെയിൽ ആദ്യ മത്സരം നടക്കുക. സെൽറ്റ വിഗോയാണ് റയൽ മാഡ്രിഡിന്റെ ആദ്യ എതിരാളികൾ. ബാഴ്സലോണക്ക് അത്ലറ്റിക് ക്ലബ്ബാണ് എതിരാളികൾ.
സിമയോണിയുടെ അത്ലറ്റികോ മാഡ്രിഡിന് ഗെറ്റഫക്കെതിരെ ആണ് ആദ്യ മത്സരം. വലൻസിയക് റയൽ സോസിഡാടും, സെവിയ്യക്ക് എസ്പാനിയോളും ആണ് ആദ്യ മത്സരത്തിലെ എതിരാളികൾ.
