ബാഴ്സലോണ മധ്യനിര താരം ഫ്രാങ്കി ഡി യോംഗ് പൂർണ്ണ ഫിറ്റ്നസിൽ തിരികെയെത്തണം എങ്കിൽ ശസ്ത്രക്രിയക്ക് വിധേയനാകേണ്ടി വരും. ഇപ്പോൾ ആങ്കിളിനേറ്റ പരിക്ക് കാരണം ഡി യോംഗ് പുറത്താണ്. സെപ്റ്റംബറിൽ നടക്കുന്ന ജിറോണക്ക് എതിരായ മത്സരത്തോടെ ഡി യോംഗ് കളത്തിൽ തിരികെയെത്തും എന്നാണ് ഇപ്പോൾ റിപ്പോർട്ടുകൾ. എന്നാൽ കാര്യങ്ങൾ ഡി യോംഗിനും ബാഴ്സലോണക്കും എളുപ്പമല്ല.
ഡി യോംഗിന്റേത് ക്രോണിക് ഇഞ്ച്വറി ആണെന്നും ശസ്ത്രക്രിയ നടത്തിയില്ല എങ്കിൽ താരത്തിന് പൂർണ്ണ ഫിറ്റ്നസിലേൽക് മടങ്ങിയെത്താൻ ആകില്ല എന്നുമാണ് വരുന്ന വാർത്തകൾ. ശസ്ത്രക്രിയ നടത്തിയാൽ ചുരുങ്ങിയത് നാല് മാസം എങ്കിലും ഡി യോംഗ് പുറത്തിരിക്കേണ്ടി വരും. ഇതിനാൽ ശസ്ത്രക്രിയയുടെ കാര്യത്തിൽ ക്ലബോ താരമോ ഇതുവരെ തീരുമാനം എടുത്തിട്ടില്ല.
