സ്പർസിന്റെ യുവ വിങ്ങർ ബ്രയാൻ ഗിൽ ജിറോണയിലേക്ക്. ലോൺ ഡീലിന്റെ അടിസ്ഥാനത്തിൽ ആണ് ഗിൽ ജിറോണയിലേക്ക് പോകുന്നത്. സീസൺ അവസാനം താരത്തെ വാങ്ങാനുള്ള വ്യവസ്ഥ ഈ ലോൺ കരാറിൽ ഉണ്ട്. താരം ഉടൻ സ്പെയിനിലെത്തി മെഡിക്കൽ പൂർത്തിയാക്കുമെന്ന് പ്രതീക്ഷിക്കുന്നു. 15 മില്യന്റെ പുതിയ റിലീസ് ക്ലോസ് സ്പർസ് താരത്തിന് വെച്ചിട്ടുണ്ട്. ജിറോണക്കോ മറ്റു ക്ലബുകൾക്കോ ഈ തുക നൽകി സീസൺ അവസാനം താരത്തെ വാങ്ങാം.
2021-ൽ ആണ് താരം നോർത്ത് ലണ്ടനിലേക്ക് എത്തുന്നത്. അതിനു മുമ്പ് 23-കാരൻ തന്റെ യുവകരിയറിന്റെ ഭൂരിഭാഗവും സെവിയ്യയിൽ ആയിരുന്നു ചെലവഴിച്ചിരുന്നത്. കഴിഞ്ഞ സീസണിൽ ആകെ 11 മത്സരങ്ങൾ മാത്രമെ കളിച്ചിരുന്നുള്ളൂ. സ്പർസിൽ അധികം അവസരങ്ങൾ താരത്തിന് ഇതുവരെ ലഭിച്ചിട്ടില്ല.
