ലാ ലിഗയിലെ ആദ്യ മത്സരത്തിൽ പരിക്കേറ്റ ബാൾദെ തന്റെ പരിക്ക് സാരമുള്ളതല്ല എന്ന് അറിയിച്ചു. ഇന്നലെ വലൻസിയക്ക് എതിരായ മത്സരത്തിന് ഇടയിൽ ഫുൾബാക്ക് ബാൽഡെ പരിക്കേറ്റ് പുറത്ത് പോയിരുന്നു.
രണ്ടാം പകുതിയുടെ ആദ്യ മിനിറ്റുകളിൽ പരിക്കേറ്റതോടെ താരം കളം വിട്ടു. പരിക്കിൻ്റെ വ്യാപ്തി ഇതുവരെ അറിവായിട്ടില്ല. എന്നാൽ മത്സര ശേഷം പരിക്കിൽ ആശങ്ക വേണ്ട എന്നും ഒരു ചെറിയ നോക്ക് ആണെന്നും ബാൾദെ ഇൻസ്റ്റഗ്രാമിൽ കുറിച്ചു.
2023/24 സീസണിൽ അത്‌ലറ്റിക് ക്ലബ്ബിനെതിരായ കോപ്പ ഡെൽ റേ ക്വാർട്ടർ ഫൈനലിൽ, ജനുവരി 24 ന് പരിക്കേറ്റതിന് ശേഷമുള്ള താരത്തിൻ്റെ ആദ്യ ഔദ്യോഗിക മത്സരമായിരുന്നു ഇത്. അധിക മത്സരങ്ങളിൽ ബാൾദെ പുറത്തിരിക്കില്ല എന്നാണ് ബാഴ്സലോണ വിശ്വസിക്കുന്നത്.
