ബാഴ്സലോണ ഹാൻസി ഫ്ലിക്കിന്റെ കീഴിൽ അത്ഭുതങ്ങൾ കാണിക്കുകയാണ്. ആദ്യ മൂന്ന് മത്സരങ്ങളും വിജയിച്ച ബാഴ്സലോണ ഇന്ന് ലാലിഗയിലെ നാലാം മത്സരത്തിൽ റയ വയ്യഡോയിഡിനെ തകർത്തു കളഞ്ഞു. എതിരില്ലാത്ത ഏഴ് ഗോകളുകൾക്ക് ആണ് ബാഴ്സലോണ ഇന്ന് വിജയിച്ചത്. ഹാട്രിക്കുമായി റാഫിഞ്ഞ ബാഴ്സലോണക്ക് ആയി തിളങ്ങി നിന്നു.
മത്സരത്തിന്റെ 20ആം മിനുട്ടിൽ റാഫിഞ്ഞയിലൂടെ ആണ് ബാഴ്സലോണ ഗോളടി തുടങ്ങിയത്. 24ആം മിനുട്ടിൽ യമാലിന്റെ അസിസ്റ്റിൽ നിന്ന് ലെവൻഡോസ്കിയിലൂടെ ബാഴ്സലോണ തങ്ങളുടെ രണ്ടാം ഗോൾ നേടി. ആദ്യ പകുതി അവസാനം കൗണ്ടെയുടെ ഗോൾ കൂടെ വന്നതോടെ ആദ്യ പകുതി 3-0ന് അവസാനിച്ചു.
രണ്ടാം പകുതിയിൽ 64ആം മിനുട്ടിൽ റാഫിഞ്ഞ തന്റെ രണ്ടാം ഗോൾ നേടി. 72ആം മിനുട്ടിൽ ഹാട്രിക്ക് ഗോളും വന്നു. ഇത്തവണ ലമിനെ യമാലിന്റെ മനോഹര അസിസ്റ്റാണ് ഗോൾ ഒരുക്കികൊടുത്തത്.
പിറകെ ഓൽമോയും ഫെറൻ ടോറസും കൂടെ ഗോൾ നേടിയതോടെ ബാഴ്സലോണയുടെ വിജയം പൂർത്തിയായി. 4 മത്സരങ്ങളിൽ നിന്ന് 12 പോയിന്റുമായി ബാഴ്സലോണ ഒന്നാമത് നിൽക്കുകയാണ്.
