ലാലിഗ പുതിയ സീസൺ ആരംഭിച്ചു. ഇന്ന് നടന്ന ആദ്യ മത്സരത്തിൽ അത്ലറ്റിക് ബിൽബാവോയും ഗെറ്റാഫെയും സമനിലയിൽ പിരിഞ്ഞു. മത്സരം 1-1 എന്ന സമനിലയിൽ ആണ് അവസാനിച്ചത്. മത്സരത്തിന്റെ 27ആം മിനുട്ടിൽ ഔഹാൻ സാൻസെറ്റ് നേടിയ ഗോൾ അത്ലറ്റിക് ബിൽബാവോയ്ക്ക് ലീഡ് നൽകി.
ആദ്യ പകുതിയിൽ ആ ലീഡ് നിലനിർത്താൻ ബിൽബാവോക്ക് ആയി. രണ്ടാം പകുതിയിൽ ഉചെയിലൂടെ ഗെറ്റാഫെ സമനില കണ്ടെത്തി. ഇരു ടീമുകളും വിജയ ഗോളിനായി ശ്രമിച്ചു എങ്കിലും കളി സമനിലയിൽ തന്നെ അവസാനിച്ചു.
നാളെ ലാലിഗയിൽ റിയൽ ബെറ്റിസും ജിറോണയും തമ്മിൽ ഏറ്റുമുട്ടും.
