സീസണിലെ ആദ്യ രണ്ട് ലാ ലിഗ മത്സരങ്ങളിൽ എംബപ്പെ ഗോൾ അടിച്ചില്ല എന്നതിൽ തനിക്ക് യാതൊരു ആശങ്കയും ഇല്ല എന്ന് റയൽ മാഡ്രിഡ് ബോസ് കാർലോ ആഞ്ചലോട്ടി. കൈലിയൻ എംബാപ്പെയോ വിനീഷ്യസ് ജൂനിയറോ ഗോൾ നേടുന്നതിൽ പരാജയപ്പെട്ടതിൽ ആശങ്കപ്പെടുന്നില്ല എന്ന് അദ്ദേഹം പറഞ്ഞു.
യുവേഫ സൂപ്പർ കപ്പിൽ അറ്റലാൻ്റയ്ക്കെതിരായ മത്സരത്തിൽ എംബപ്പെ ഗോളടിച്ചു എങ്കിലും മയ്യോർക്കയ്ക്ക് എതിരെയും വയ്യഡോയിഡിന് എതിരെയും എംബപ്പെ ലക്ഷ്യം കണ്ടിരുന്നില്ല. വിനീഷ്യസും ഈ സീസണിലെ ആദ്യ 3 കളിയിൽ ഗോളടിച്ചിട്ടില്ല.
“എംബപ്പെയുടെ അവസാന ഗോൾ ഓഗസ്റ്റ് 14 ന് ആയിരുന്നു. അതിനുശേഷം രണ്ടാഴ്ചയേ ആയിട്ടുള്ളൂ, അതിൽ വിഷമിക്കേണ്ട കാര്യമില്ല. ഒരു ക്ലബ്ബെന്ന നിലയിൽ ഞങ്ങളോ അവനോ വിഷമിക്കുന്നില്ല,” പത്രസമ്മേളനത്തിൽ ആഞ്ചലോട്ടി പറഞ്ഞു.
“എംബപ്പെ ഇവിടെ വളരെ സന്തോഷവാനാണ്, സന്തോഷവാനാണ്, അടുത്ത മത്സരത്തിൽ അവൻ സ്കോർ ചെയ്യാൻ ആഗ്രഹിക്കുന്നുവെന്ന് ഉറപ്പാണ്. അതുപോലെ തന്നെ ഈ സീസണിൽ ഇതുവരെ സ്കോർ ചെയ്യാനാകാത്ത വിനീഷ്യസും ഗോളടിക്കാത്തതിൽ വിഷമിക്കുന്നതായി ഞാൻ കാണുന്നില്ല.”
