സ്പാനിഷ് സൂപ്പർ കപ്പ് നേടുന്ന ആദ്യ ഇറ്റാലിയൻ പരിശീലകനായി കാർലോ ആഞ്ചലോട്ടി. അത്ലറ്റിക്ക് ക്ലബ്ബിനെ പരാജയപ്പെടുത്തി റയൽ മാഡ്രിഡ് കിരീടമുയർത്തിയതിന് പിന്നാലെയാണ് ഇറ്റാലിയൻ മയെസ്ട്രോ ഈ നേട്ടം സ്വന്തമാക്കിയത്. എതിരില്ലാത്ത രണ്ട് ഗോളുകൾക്കായിരുന്നു അത്ലെറ്റിക്ക് ബിൽബാവോയെ റയൽ പരാജയപ്പെടുത്തിയത്.
മോഡ്രിചും ബെൻസിമയുമായിരുന്നു റയലിന്റെ ഗോൾ സ്കോറേഴ്സ്. റയൽ മാഡ്രിഡിൽ ആഞ്ചലോട്ടിയുടെ അഞ്ചാം കിരീടമാണ് ഈ സ്പാനിഷ് സൂപ്പർ കപ്പ്. 62കാരനായ ആഞ്ചലോട്ടി റയലിന് ശക്തമായ തുടക്കമാണ് നൽകിയത്. 21 മത്സരങ്ങൾക്ക് ശേഷം ലാലീഗയിൽ അഞ്ച് പോയന്റ് ലീഡുമായി ഒന്നാമതാണ് ഇപ്പോൾ റയൽ മാഡ്രിഡ്.
