ഡ്യൂറണ്ട് കപ്പ് കിരീടം മോഹൻ ബഗാൻ സ്വന്തമാക്കി. ഇന്ന് നടന്ന ഫൈനലിൽ മത്സരത്തിൽ കൊൽക്കത്ത ഡർബിയിൽ ഈസ്റ്റ് ബംഗാളിനെ തോൽപ്പിച്ച് ആണ് മോഹൻ ബഗാൻ കിരീടത്തിൽ മുത്തമിട്ടത്. മറുപടി ഇല്ലാത്ത ഒരു ഗോളിനായിരുന്നു ബഗാന്റെ വിജയം. അതും അര മണിക്കൂറോളം പത്തു പേരുമായി കളിച്ചാണ് ബഗാൻ വിജയിച്ചത്. ഇന്ന് 62ആം മിനുട്ടിൽ മോഹൻ ബഗാന് അവരുടെ താരം അനിരുദ്ധ് താപയെ ചുവപ്പ് കാരണം നഷ്ടമായിരുന്നു.
ഇന്ന് ആദ്യ പകുതിയിൽ കളി ഗോൾ രഹിതമായിരുന്നു. രണ്ടാം പകുതിയിൽ ദിമിത്രി പെട്രാറ്റോസ് വിജയ ഗോൾ നേടി. മത്സരത്തിന്റെ 71ആം മിനുട്ടിൽ ആയിരുന്നു ഈ ഗോൾ. നേരത്തെ ഗ്രൂപ്പ് ഘട്ടത്തിൽ മോഹൻ ബഗാൻ ഈസ്റ്റ് ബംഗാളിനോട് പരാജയപ്പെട്ടിരുന്നു. അതിനുള്ള പകവീട്ടൽ കൂടിയായി ഈ വിജയം.
