ഷൂട്ടേഴ്സ് പടന്നയ്ക്ക് ആദ്യ തോൽവി സമ്മാനിച്ച് എഫ് സി കേരള

Newsroom

Download the Fanport app now!
Appstore Badge
Google Play Badge 1

കേരള പ്രീമിയർ ലീഗിൽ ഷൂട്ടേഴ്സ് പടന്നയ്ക്ക് ആദ്യ തോൽവി. തുടർച്ചയായ രണ്ട് വിജയങ്ങൾക്ക് ശേഷം ഇറങ്ങിയ ഷൂട്ടേഴ്സ് പടന്നയെ എഫ് സി കേരളയാണ് ഇന്ന് പരാജയപ്പെടുത്തിയത്‌. തൃശ്ശൂരിൽ നടന്ന മത്സരത്തിൽ ഒന്നിനെതിരെ രണ്ടു ഗോളുകൾക്കായിരുന്നു എഫ് സി കേരളയുടെ വിജയം. ഡെലാനോ മോരിസ് നേടിയ ഇരട്ട ഗോളുകൾ ആണ് എഫ് സി കേരളയ്ക്ക് വിജയം നൽകിയത്.

കളിയുടെ 17ആം മിനുട്ടിലും 60ആം മിനുട്ടിലും ആയിരുന്നു മോരിസിന്റെ ഗോളുകൾ. 72ആം മിനുട്ടിൽ വിഷ്ണു ആണ് ഷൂട്ടേഴ്സ് പടന്നയുടെ ഗോൾ നേടിയത്. ഈ വിജയത്തോടെ 3 മത്സരങ്ങളിൽ നിൻ എഫ് സി കേരളയ്ക്ക് ആറു പോയന്റായി. ഷൂട്ടേഴ്സ് പടന്നക്കും 6 പോയന്റാണ് ഉള്ളത്. ഗ്രൂപ്പിൽ ഗോകുലം കേരള എഫ് സി ആണ് ഒന്നാമതുള്ളത്.