കേരളാ പ്രീമിയർ ലീഗ് ക്വാളിഫയർ റൗണ്ടിൽ തകർപ്പൻ ജയവുമായി ലൂക്കാ സോക്കർ ക്ലബ്ബ്. ഇന്ന് നടന്ന മത്സരത്തിൽ ട്രാവൻകൂർ യുനൈറ്റഡിനെ ഒന്നിനെതിരെ എട്ടു ഗോളുകൾക്ക് തകർത്ത് കൊണ്ട് ലൂക്കാ സോക്കർ ക്ലബ്ബ് ഫൈനലിലേക്ക് കടന്നു. നാളെ വൈകീട്ട് മഹാരാജാസ് കോളേജ് മൈതാനത്ത് നടക്കുന്ന ഫൈനൽ മത്സരത്തിൽ ശ്രീ വ്യാസാ കോളേജ് ആണ് അവരുടെ എതിരാളികൾ.
മത്സരത്തിന്റെ നാലാം മിനിറ്റിൽ തന്നെ ലൂക്കാ ക്ലബ്ബ് ഗോളടി തുടങ്ങി. സുഹൈൽ ആണ് ഗോൾ മഴക്ക് തുടക്കമിട്ടത്. സുഹൈൽ, ഫാസിൽ, ഷഹദ് എന്നിവർ ഇരട്ട ഗോളുകൾ കണ്ടെത്തി. ഷഹജാസും ഹാഷിഫും ആയിരുന്നു മറ്റു സ്‌കോറർമാർ. ആദ്യ പകുതി കഴിയുമ്പോൾ തന്നെ ലൂക്കാ സോക്കർ ക്ലബ്ബ് ആറു ഗോളുകൾ എതിർ വലയിൽ എത്തിച്ചിരുന്നു. ട്രാവൻകൂർ ടീമിന്റെ ഒരേയൊരു ഗോൾ ജിഫ്നാന്റെ ബൂട്ടിൽ നിന്നും പിറന്നു. രണ്ടാം പാകുതിയിലെ രണ്ടു ഗോളുകൾ കൂടി ആയതോടെ ലൂക്കാ സോക്കർ ക്ലബ്ബ് പട്ടിക തികച്ചു. നാളെ ഫൈനലിൽ ജയിക്കുന്നവർ കേരളാ പ്രീമിയർ ലീഗ് പുതിയ സീസണിലേക്കുള്ള യോഗ്യത നേടും.
Download the Fanport app now!
