കേരള പ്രീമിയർ ലീഗിൽ ഇന്ന് നടന്ന മത്സരം വിജയിച്ച് എഫ് സി തൃശ്ശൂർ സെമി ഫൈനൽ പ്രതീക്ഷ സജീവമാക്കി. തൃശ്ശൂർ കോർപ്പറേഷൻ സ്റ്റേഡിയത്തിൽ നടന്ന മത്സരത്തിൽ ഇന്ന് എഫ് സി തൃശ്ശൂരും എഫ് സി കൊച്ചിയും ആയിരുന്നു ഏറ്റുമുട്ടിയത്. മത്സരം എതിരില്ലാത്ത രണ്ടു ഗോളുകൾക്കാണ് തൃശ്ശൂർ വിജയിച്ചത്. തൃശ്ശൂർ സൂപ്പറ്റ് ഡിവിഷനിൽ കിരീടം നേടിയ ആത്മവിശ്വാസത്തിൽ എത്തിയ എഫ് സി തൃശ്ശൂർ ആ ഫോം തുടരുകയായിരുന്നു
ആദ്യ പകുതിയിൽ സാന്റ ക്രൂസ് നേടിയ ഇരട്ട ഗോളുകളാണ് തൃശ്ശൂരിന് ജയം നൽകിയത്. 18, 37 മിനുട്ടുകളിൽ ആയിരുന്നു ഗോളുകൾ. ഇന്നത്തെ ജയം എഫ് സി തൃശ്ശൂരിനെ 7 പോയിന്റിൽ എത്തിച്ചു. ഇതോടെ ഗ്രൂപ്പ് എയിൽ 7 പോയന്റുള്ള മൂന്നു ടീമുകൾ ആയി. എഫ് സി കൊച്ചിക്കും കേരള ബ്ലാസ്റ്റേഴ്സിനും 7 പോയിന്റ് തന്നെയാണ് ഉള്ളത്.
