റൂണി യൂസഫിന്റെ ഗോളിൽ ജയിച്ച് എഫ് സി കൊച്ചി ഒന്നാമത്

- Advertisement -

കേരള പ്രീമിയർ ലീഗിലെ എഫ് സി കൊച്ചിയുടെ മുന്നേറ്റം തുടരുന്നു. ഇന്ന് കൊച്ചിയിൽ വെച്ച് നടന്ന മത്സരത്തിൽ ശക്തരായ സാറ്റ് തിരൂരിനെ എഫ് സി കൊച്ചി പരാജയപ്പെടുത്തി. മറുപടിയില്ലാത്ത ഒരു ഗോളിനായിരുന്നു എഫ് സി കൊച്ചിയുടെ വിജയം. കളിയുടെ 26ആം മിനുട്ടിൽ റൂണി യൂസഫാണ് എഫ് സി കൊച്ചിക്ക് വിജയം നേടിക്കൊടുത്ത ഗോൾ നേടിയത്. റൂണിയുടെ ലീഗിൽ മൂന്നാം ഗോളാണിത്‌.

ഈ വിജയത്തോടെ നാലു മത്സരങ്ങളിൽ ഏഴു പോയന്റുനായി എഫ് സി കൊച്ചി ഗ്രൂപ്പിൽ ഒന്നാമതെത്തി. നാലു മത്സരങ്ങളിൽ നാലു പോയിന്റ് മാത്രമുള്ള സാറ്റ് തിരൂർ ഗ്രൂപ്പ് എയിൽ രണ്ടാമതാണ്.

Advertisement