സംസ്ഥാന സബ് ജൂനിയർ ഫുട്ബോളിൽ കാസർഗോഡിന് കിരീടം. ഇന്ന് എറണാകുളം മഹാരാജാസ് ഗ്രൗണ്ടിൽ നടന്ന ഫൈനൽ മത്സരത്തിൽ തൃശ്ശൂരിനെ തോൽപ്പിച്ച് ആണ് കാസർഗോഡ് കിരീടം നേടിയത്. എതിരില്ലാത്ത മൂന്ന് ഗോളുകൾക്ക് ആയിരുന്നു കാസർഗോഡിന്റെ വിജയം. കാസർഗോഡിനായി അബ്ദുള്ള റൈഹാൻ ഇരട്ട ഗോളുകളുമായി സ്റ്റാർ ആയി.
35ആം മിനുട്ടിലും 60ആം മിനുട്ടിലും ആയിരുന്നു റൈഹാന്റെ ഗോളുകൾ.ഇതിൽ ഒന്ന് പെനാൾട്ടിയും ആയിരുന്നു. മുഹമ്മദ് ഷമിൽ ആണ് കാസർഗോഡിന്റെ മറ്റൊരു സ്കോറർ. ഇന്ന് രാവിലെ നടന്ന ലൂസേഴ്സ് ഫൈനലിൽ വയനാട് ഒന്നിനെതിരെ രണ്ടു ഗോളുകൾക്ക് എറണാകുളത്തെ തോൽപ്പിച്ചിരുന്നു.
