രണ്ടാം ഗെയിമിലെ മേൽക്കൈ കൈവിട്ടു, കിഡംബിയ്ക്ക് പരാജയം

Srikanthkidambi

ഇന്ത്യ ഓപ്പൺ 2023ൽ ഇന്ത്യയുടെ ശ്രീകാന്ത് കിഡംബിയ്ക്ക് പരാജയം. താരം ഡെന്മാര്‍ക്കിന്റെ വിക്ടര്‍ അക്സെൽസെന്നിനോടാണ് പരാജയം ഏറ്റുവാങ്ങിയത്. നേരിട്ടുള്ള ഗെയിമുകളിൽ 14-21, 19-21 എന്ന സ്കോറിന് 41 മിനുട്ട് നീണ്ട പോരാട്ടത്തിനൊടുവിലാണ് ഇന്ത്യന്‍ താരം തോൽവി സമ്മതിച്ചത്.

രണ്ടാം ഗെയിമിൽ 14-5ന് ലോക ഒന്നാം നമ്പര്‍ താരത്തോട് മുന്നിട്ട് നിന്ന ശേഷം ആയിരുന്നു കിഡംബിയുടെ പരാജയം. ഇത് തുടര്‍ച്ചയായ ഏഴാം തവണയാണ് ഡെന്മാര്‍ക്കിന്റെ ഒന്നാം നമ്പര്‍ താരത്തോട് ശ്രീകാന്ത് പരാജയം ഏറ്റുവാങ്ങുന്നത്.