സംസ്ഥാന ജൂനിയർ ഫുട്ബോൾ ചാമ്പ്യൻഷിപ്പിൽ ആദ്യ ദിവസം ഗ്രൂപ്പ് എയിൽ കണ്ണൂരിനും എറണാകുളത്തിനും ജയം. ഇന്ന് രാവിലെ നടന്ന മത്സരത്തിൽ എതിരില്ലാത്ത ഒരു ഗോളിനാണ് എറണാകുളം തൃശ്ശൂരിനെ പരാജയപ്പെടുത്തിയത്. അർമാൻ അഹ്മദ് ഇബ്രാഹീം ആണ് എറണാകുളത്തിനായി സ്കോർ ചെയ്തത്.
രണ്ടാം മത്സരത്തിൽ ഇടുക്കിയെ ഒന്നിനെതിരെ നാലു ഗോളുകൾക്കാണ് കണ്ണൂർ പരാജയപ്പെടുത്തിയത്. ജയസൂര്യ ഹാട്രിക്ക് നേടി. അതുൽ ഗിരീഷാണ് മറ്റൊരു സ്കോറർ.
