യുവ മിഡ്ഫീൽഡർ വിനീത് റായിയെ കേരള ബ്ലാസ്റ്റേഴ്സ് സ്വന്തമാക്കും എന്ന് റിപ്പോർട്ടുകൾ. മുംബൈ സിറ്റിയുടെ താരം ഈ സീസണോടെ ക്ലബ് വിടാൻ ഇരിക്കുകയാണ്. അവസാന മൂന്ന് സീസണായി വിനീത് റായ് മുംബൈ സിറ്റിക്ക് ഒപ്പം ഉണ്ട്. ഒഡീഷ എഫ് സിയിൽ നിന്നായിരുന്നു താരം മുംബൈ സിറ്റിയിലേക്ക് എത്തിയത്.
മുംബൈക്ക് വേണ്ടി 15 മത്സരങ്ങൾ ഈ കഴിഞ്ഞ സീസൺ ഐ എസ് എല്ലിൽ കളിക്കാൻ വിനീതിനായിരുന്നു. ഐ എസ് എല്ലിലെ ആകെ 104 മത്സരങ്ങൾ കളിച്ചിട്ടുണ്ട്. ഒരു ഘട്ടത്തിൽ ഒഡീഷയുടെ ക്യാപ്റ്റനും ആയിരുന്നു. മുൻ കേരളാ ബ്ലാസ്റ്റേഴ്സ് താരം കൂടിയാണ് വിനീത് റായ്. സൈനിംഗ് നടക്കുക ആണെങ്കിൽ ഒരു തിരിച്ചുവരവാകും ഇത്.
