മോഹൻ ബഗാന്റെ യുവതാരമായ സുമിത് റതിയെ സ്വന്തമാക്കാൻ ഈസ്റ്റ് ശ്രമിക്കുന്നു. താരത്തിനായി കേരള ബ്ലാസ്റ്റേഴ്സ് മോഹൻ ബഗാനെ സമീപിച്ചതായി Zillizsng റിപ്പോർട്ട് ചെയ്യുന്നു. ഇനിയും ഒരു വർഷത്തെ കരാർ ബഗാനിൽ സുമിതിന് ബാക്കിയുണ്ട്. അതുകൊണ്ട് തന്നെ താരത്തെ സ്വന്തമാക്കുക അത്ര എളുപ്പമാകില്ല. ഡിഫൻഡറായ സുമിത് അവസാന നാലു വർഷമായി എ ടി കെ മോഹൻ ബഗാനൊപ്പം ഉണ്ട്.
രണ്ട് സീസൺ മുമ്പ് ഐ എസ് എല്ലിൽ അരങ്ങേറ്റം കുറിച്ച സുമിത് അരങ്ങേറ്റ സീസണിൽ ഐ എസ് എല്ലിൽ എമേർജിങ് പ്ലയർ ഓഫ് ദ സീസണായി മാറിയിരുന്നു. ലെഫ്റ്റ് ബാക്കായും സെന്റർ ബാക്കായും കളിക്കാൻ കഴിവുള്ള താരമാണ്. 2019-20 സീസണിൽ 14 മത്സരങ്ങൾ കളിച്ച റതി എ ടി കെയുടെ കിരീട പോരാട്ടത്തിൽ പ്രധാന പങ്കുവഹിച്ചിരുന്നു. എന്നാൽ അതിനു ശേഷം രണ്ട് സീസണിലും കാര്യമായ അവസരം ലഭിച്ചില്ല. ഈ കഴിഞ്ഞ സീസണിൽ ഒരു ഐ എസ് എൽ മത്സരം മാത്രമെ കളിച്ചുള്ളൂ. 21കാരനായ താരം മുമ്പ് ഇന്ത്യൻ ആരോസിനായും കളിച്ചിട്ടുണ്ട്. എ ഐ എഫ് എഫ് എലൈറ്റ് അക്കാദമിയിലൂടെ വളർന്നു വന്ന താരമാണ്.
