സൺറൈസേഴ്സിനെതിരെ തന്റെ കന്നി ഐപിഎൽ ശതകം നേടിയ ശുഭ്മന്‍ ഗിൽ പറയുന്നത് തനിക്ക് ഏറ്റവും സന്തോഷം നൽകിയത് അഭിഷേക് ശര്‍മ്മയ്ക്കെതിരെ നേടിയ സിക്സ് ആണെന്നാണ്. ഇരുവരും പഞ്ചാബിന് വേണ്ടി ടി20 ക്രിക്കറ്റിൽ ഓപ്പൺ ചെയ്യുന്നവരാണ്. തനിക്കെതിരെ പന്തെറിയുവാന്‍ വന്നാൽ സിക്സര്‍ പറത്തുമെന്ന് താന്‍ അഭിഷേകിനോട് നേരത്തെ തന്നെ പറഞ്ഞിരുന്നുവെന്നും അതിന് സാധിച്ചതിൽ സന്തോഷമുണ്ടെന്നും ഗിൽ വ്യക്തമാക്കി.
താന്‍ തന്റെ ഐപിഎൽ അരങ്ങേറ്റം സൺറൈസേഴ്സിനെതിരെയാണ് നടത്തിയതെന്നും അവര്‍ക്കെതിരെ തന്നെ ശതകം നേടാനായതിൽ സന്തോഷമുണ്ടെന്നും ഗിൽ വ്യക്തമാക്കി. എത്ര മികച്ചതാണെങ്കിലും മോശമാണെങ്കിലും താന്‍ തന്റെ കഴിഞ്ഞ ഇന്നിംഗ്സിനെക്കുറിച്ച് ചിന്തിക്കാറില്ലെന്നും ഗിൽ സൂചിപ്പിച്ചു. നിലവിലെ കാര്യത്തിൽ ശ്രദ്ധ കേന്ദ്രീകരിക്കുക എന്നതാണ് പ്രധാനം എന്നും താരം പറഞ്ഞു.
