ഫുട്ബോൾ ക്ലബിന്റെ ആരാധകർ തമ്മിലുള്ള ട്വിറ്റർ പോരാട്ടം കനക്കുന്നു.
ഫുട്ബോൾ മത്സരങ്ങൾ ഒന്നും ഇല്ലാതെ നിൽക്കുന്ന അവസരത്തിൽ ആരാധകർക്ക് ആവേശം നൽകി കൊണ്ട് ഫുട്ബോൾ ക്ലബുകൾ തമ്മിൽ നടക്കുന്ന പോരാട്ടത്തിന്റെ സെമി ഫൈനലിൽ എത്തി നിൽക്കുകയാണ് നമ്മുടെ സ്വന്തം ക്ലബായ കേരള ബ്ലാസ്റ്റേഴ്സ്. സെമിയിൽ എതിരാളികൾ തുർക്കിയിലെ വമ്പൻ ക്ലബായ ട്രാബ്സോൺസ്പോർ ആണ്.
കഴിഞ്ഞ റൗണ്ടിലും തുർക്കിയിൽ നിന്നായിരുന്നു കേരള ബ്ലാസ്റ്റേഴ്സിന്റെ എതിരാളികൾ. ഗലറ്റെസെറെയെ നാലാം റൗണ്ടിൽ തോല്പ്പിച്ച പോലെ ട്രാബ്സോൺസ്പോറിനെയും തോൽപ്പിക്കാൻ ആകുമെന്ന് കേരള ബ്ലാസ്റ്റേഴ്സ് ആരാധകർ കരുതുന്നു.
സാൻ ബാസ് മീഡിയ എന്ന ഒരു റിസേർച് ടീം ആണ് ഈ വോട്ടിങ് നടത്തുന്നത്. മൂന്നാം റൗണ്ടിൽ ഇന്തോനേഷ്യൻ ക്ലബായ പെർസിബ് ബാംദുങിനെ ആയിരുന്നു കേരള ബ്ലാസ്റ്റേഴ്സ് തോൽപ്പിച്ചത്. വോട്ടിങ് മൂന്നു ദിവസം കൂടെ ബാക്കി നിൽക്കെ ഇരു ടീമുകളും ഒപ്പത്തിനൊപ്പം നിൽക്കുകയാണ് ഇപ്പോൾ. ഇരു ക്ലബുകൾക്കും 50 ശതമാനം വീത്ം വോട്ടുകൾ ഇപ്പോൾ ഉണ്ട്. ഒരു ലക്ഷത്തോളം വോട്ടുകൾ ഇതിനകം ചെയ്തു കഴിഞ്ഞിരിക്കുകയാണ്. .
വോട്ട് ചെയ്യാൻ ഈ ലിങ്കിൽ പോകാം. – https://twitter.com/SanBassMedia/status/1251458797350117381?s=19
