കേരള ബ്ലാസ്റ്റേഴ്സ് സ്ക്വാഡിൽ മധ്യനിര താരം പൂട്ടിയ ഇല്ലാത്തതിന്റെ കാരണം വ്യക്തമാക്കി കേരള ബ്ലാസ്റ്റേഴ്സ് പരിശീലകൻ ഇവാൻ വുകമാനോവിച്. പൂട്ടിയ ക്ലബ് വിടുക ആണെന്നും അതുകൊണ്ട് ആണ് താരം ടീമിനായി കളിക്കാത്തത് എന്നും ഇവാൻ പറഞ്ഞു. ഫുട്ബോൾ ഇങ്ങനെ ആണെന്നും താരങ്ങൾ ക്ലബുകൾ മാറും എന്നും അതാണ് പൂട്ടിയയുടെ കാര്യത്തിലും സംഭവിക്കാൻ പോകുന്നത് എന്നും ഇവാൻ പറഞ്ഞു.
പൂട്ടിയ ക്ലബ് വിടുന്നതിൽ ഖേദമുണ്ട് പക്ഷെ ക്ലബിനും ഇത്തരം സാഹചര്യങ്ങളിൽ തീരുമാനം എടുക്കേണ്ടതുണ്ട്. പൂട്ടിയ ഉടൻ തന്നെ പുതിയ ക്ലബിലേക്ക് എത്തും എന്നും ഇവാൻ സൂചിപ്പിച്ചു. പൂട്ടിയ കഴിഞ്ഞ സീസണിൽ ടീമിന്റെ പ്രധാന ഭാഗമായിരുന്നു എന്നും താരത്തിന് താൻ എല്ലാ ആശംസകളും നേരുന്നു എന്നും ഇവാൻ പറഞ്ഞു. പൂട്ടിയ അവസാന രണ്ട് മത്സരങ്ങളിൽ ബ്ലാസ്റ്റേഴ്സിന്റെ സ്ക്വാഡിൽ ഉണ്ടായിരുന്നില്ല. അവസാന ഏഴ് മത്സരങ്ങളായി താരം ആദ്യ ഇലവനിലും എത്തിയിരുന്നില്ല.
പൂട്ടിയ കൊൽക്കത്തൻ ക്ലബായ എ ടി കെ മോഹൻ ബഗാനിൽ പോകും എന്നാണ് സൂചന.
