എഫ് സി കപ്പ് പ്ലേ ഓഫിൽ നിന്ന് ഒഡീഷ പുറത്ത്. ഓസ്ട്രേലിയൻ ക്ലബ്ബായ സെൻട്രൽ കോസ്റ്റൽ മറൈൻസിനെ രണ്ടാം പാദത്തിലും തോൽപ്പിക്കാൻ ഒഡീഷക്ക് ആയില്ല. ഇന്ന് ഹോം മത്സരത്തിൽ ഗോൾ രഹിത സമനില ആണ് ഒഡീഷ വഴങ്ങിയത്. ആദ്യ പാദത്തിൽ ഒഡീഷ എഫ് സി എതിരില്ലാത്ത നാല് ഗോളുകളുടെ പരാജയം ഏറ്റുവാങ്ങിയിരുന്നു. ഇതോടെ 4-0ന്റെ അഗ്രഗേറ്റിൽ ഓസ്ട്രേലിയൻ ടീം മുന്നേറി.
ഇന്നും ഒഡീഷക്ക് കാര്യമായ മുന്നേറ്റങ്ങൾ നടത്താൻ ആയില്ല. സെൻട്രൽ കോസ്റ്റൽ മറൈനേഴ്സ് തന്നെയാണ് കളിയിൽ മികച്ചു നിന്നത്. അവർ നിരവധി അവസരങ്ങളും സൃഷ്ടിച്ചു. എങ്കിലും പരാജയപ്പെടാതെ പിടിച്ചു നിൽക്കാൻ ഒഡീഷക്ക് ആയി. ഒഡീഷ ഇന്ന് ഒരു ഷോട്ട് പോലും ടാർഗറ്റിലേക്ക് തൊടുത്തില്ല.
