എട്ട് നിലയിൽ പൊട്ടി നോർത്ത് ഈസ്റ്റ്, രണ്ടാം സ്ഥാനം തിരിച്ചു പിടിച്ച് ഒഡീഷ

Picsart 22 12 02 21 44 49 902

ഐഎസ്എല്ലിൽ നോർത്ത് ഈസ്റ്റ് യുനൈറ്റഡിനെ തോൽവികൾക്ക് അന്ത്യമില്ല. കലിംഗ സ്റ്റേഡിയത്തിൽ നടന്ന മത്സരത്തിൽ ഒഡീഷ എഫ്സി, നോർത്ത് ഈസ്റ്റിനെ ഒന്നിനെതിരെ രണ്ടു ഗോളുകൾക്ക് തകർത്തു. നന്ദ കുമാറും ജെറിയും വിജയികൾക്കായി ഗോൾ നേടിയപ്പോൾ റോക്കാർസെല്ലയാണ് മറുപടി ഗോൾ കണ്ടെത്തിയത്. എട്ട് മത്സരങ്ങളിൽ നിന്നും നോർത്ത് ഈസ്റ്റിന്റെ എട്ടാം തോൽവി ആണിത്. പോയിന്റ് ഏതുമില്ലാതെ ടേബിളിൽ അവസാന സ്ഥാനത്ത് തുടരുകയാണവർ. ഒഡീഷ ആവട്ടെ രണ്ടാം സ്ഥാനം ഹൈദരാബാദിൽ നിന്നും തിരിച്ചു പിടിച്ചു.

Picsart 22 12 02 21 45 04 053

ഇരു ടീമുകളും എതിർ മുഖത്തേക്ക് ആക്രമിച്ചു കളിക്കുന്നത് കണ്ടാണ് ആദ്യ മിനിറ്റുകൾ കടന്ന് പോയത്. ഇരുപത്തിനാലാം മിനിറ്റിൽ ഒഡീഷ ലീഡ് നേടി. മികച്ച പാസുകൾ കോർത്തിണക്കിയ മുന്നേറ്റത്തിനൊടുവിൽ എതിർ പ്രതിരോധക്കാരെ കബളിപ്പിച്ച് മൗറിസിയോ നൽകിയ പന്തിൽ നിന്നും നന്ദ കുമാർ വല കുലുക്കുകയായിരുന്നു. നോർത്ത് ഈസ്റ്റ് ഡിഫെൻസിന്റെ എല്ലാ പോരായ്മകളും കണ്ട ഗോൾ ആയിരുന്നു ഇത്. അറുപതാം മിനിറ്റിൽ നോർത്ത് ഈസ്റ്റിന്റെ സമനില ഗോൾ എത്തി. റോക്കാർസെല ആണ് വല കുലുക്കിയത്. സബ് ആയി എത്തിയ താരത്തിന്റെ മത്സരത്തിലെ ആദ്യ ടച്ച് ആയിരുന്നു അത്. എന്നാൽ എഴുപതിയെട്ടാം മിനിറ്റിൽ ഒഡീഷ ലീഡ് തിരിച്ചു പിടിച്ചു. സൗൾ ക്രേസ്പോയുടെ ഷോട്ട് കീപ്പർ അരിന്ദം ഭട്ടാചാര്യ തടുതത്തിട്ടെങ്കിലും അവസരം കാത്തിരുന്ന ജെറി ഒട്ടും പിഴച്ചില്ല.