മുംബൈ സിറ്റി ക്ലബ് ക്യാപ്റ്റൻ ആയിരുന്ന മൗർതാഡ ഫാൾ ഇനി ഒഡീഷയിൽ. താരം ഒഡീഷ എഫ് സിയിൽ എത്തിയതായി ക്ലബ് ഇന്ന് ഔദ്യോഗികമായി അറിയിച്ചു. ഒരു വർഷത്തെ കരാറിൽ ആണ് ഫാൾ ഒഡീഷയിൽ എത്തുന്നത്. ഈ സീസണിൽ മുംബൈ സിറ്റിക്കായി ഐ എസ് എല്ലിൽ 18 മത്സരങ്ങൾ ഫാൾ കളിച്ചിരുന്നു. ഐ എസ് എല്ലിൽ ആകെ 99 മത്സരങ്ങൾ താരം കളിച്ചിട്ടുണ്ട്.
ഒഡീഷ പരിശീലകനായി ലൊബേരയെ എത്തിയത് ആണ് ഫാൾ ഒഡീഷയിലേക്ക് വരാനുള്ള കാരണം. 2020-ൽ എഫ്‌സി ഗോവയിൽ നിന്ന് മുംബൈ സിറ്റിയിലേക്ക് ചേക്കേറിയ 35 കാരനായ സെന്റർ ഹാഫ് മുംബൈ സിറ്റിക്ക് ഒപ്പം രണ്ട് ഐ‌എസ്‌എൽ ലീഗ് വിന്നേഴ്‌സ് ഷീൽഡും ഒരു ഐ‌എസ്‌എൽ ട്രോഫിയും നേടിയിട്ടുണ്ട്. ഗോവയിൽ ആയിരിക്കെയും ഒരു ഐ എസ് എൽ ഷീൽഡ് ഫാൾ നേടിയിട്ടുണ്ട്. അവിടെ ഒരു സൂപ്പർ കപ്പും താരം നേടിയിട്ടുണ്ട്.
https://twitter.com/OdishaFC/status/1665667938668679169?t=jF5uLkx0Ua4AFrMIAWUNRw&s=19
