ഇന്ത്യൻ സൂപ്പർ ലീഗിൽ മോഹൻ ബഗാന് മികച്ച വിജയം. ഇന്ന് നോർത്ത് ഈസ്റ്റിനെ നേരിട്ട മോഹൻ ബഗാൻ രണ്ടിനെതിരെ നാലു ഗോളുകൾക്ക് ആണ് വിജയിച്ചത്. മലയാളി താരം സഹൽ അബ്ദുൽ സമദ് ഇന്ന് മോഹൻ ബഗാനായി ഗോളുമായി തിളങ്ങി. ഇന്ന് തുടക്കത്തിൽ ആറാം മിനുട്ടിൽ ഒരു പെനാൾട്ടിയിലൂടെ നോർത്ത് ഈസ്റ്റ് ആണ് ലീഡ് എടുത്തത്. ജൂറിച് ആയിരുന്നു ഗോൾ നേടിയത്.
ആദ്യ പകുതിയുടെ അവസാന നിമിഷങ്ങളിൽ രണ്ട് ഗോളുകൾ നേടിക്കൊണ്ട് മോഹൻ ബഗാൻ ലീഡിലേക്ക് വന്നു. ആദ്യം കൗകോയുടെ അസിസ്റ്റിൽ നിന്ന് ലിസ്റ്റൺ കൊളാസോയുടെ ഗോൾ സമനില ഗോൾ നേടി. പിന്നാലെ കമ്മിംഗ്സിന്റെ ഫിനിഷിൽ ബഗാൻ ലീഡിൽ എത്തി.
50ആം മിനുട്ടിൽ ജുറിചിലൂടെ വീണ്ടും നോർത്ത് ഈസ്റ്റ് ഒപ്പമെത്തി. 2-2. ആ സമനില അധികം നീണ്ടു നിന്നില്ല. 53ആം മിനുട്ടിൽ പെട്രാറ്റോസിലൂടെ ബഗാൻ വീണ്ടും ലീഡിൽ എത്തി. 57ആം മിനുട്ടിൽ ആയിരുന്നു സഹൽ അബ്ദുൽ സമദിന്റെ ഗോൾ. ഇതോടെ അവരുടെ വിജയം ഉറപ്പായി. സഹലിന്റെ ബഗാനായുള്ള ആദ്യ ഐ എസ് എൽ ഗോളാണിത്.
ഈ ജയത്തോടെ 29 പോയിന്റുമായി മോഹൻ ബഗാൻ ലീഗിൽ രണ്ടാം സ്ഥാനത്ത് എത്തി. 16 പോയിന്റുമായി നോർത്ത് ഈസ്റ്റ് ഏഴാം സ്ഥാനത്ത് നിൽക്കുകയാണ്.
