മുൻ കേരള ബ്ലാസ്റ്റേഴ്സ് മിഡ്ഫീൽഡ് താരമായിരുന്ന മിലൻ സിംഗ് ഇനി കൊൽക്കത്തൻ ക്ലബായ ഈസ്റ്റ് ബംഗാളിൽ കളിക്കും. കഴിഞ്ഞ സീസണിൽ നോർത്ത് ഈസ്റ്റ് യുണൈറ്റഡിനു വേണ്ടി ആയിരുന്നു മിലൻ സിംഗ് കളിച്ചിരുന്നത്. നോർത്ത് ഈസ്റ്റ് യുണൈറ്റഡിൽ കാര്യമായി തിളങ്ങാൻ മിലൻ സിങിനായിരുന്നില്ല. ഈ സീസണിൽ ആകെ 13 മത്സരങ്ങൾ മാത്രമെ താരം കളിച്ചിട്ടുള്ളൂ.
മണിപ്പൂർ സ്വദേശി മിലൻ സിംഗ് 2017-18 സീസണിലാണ് കേരള ബ്ലാസ്റ്റേഴ്സിനായി കളിച്ചത്. മുൻ സീസണിൽ ഡെൽഹി ഡൈനാമോസിനു വേണ്ടിയും മുംബൈ സിറ്റിക്കു വേണ്ടിയും മിലൻ സിംഗ് ഐ എസ് എല്ലിൽ ഇറങ്ങിയിട്ടുണ്ട്. ഇതുവരെ ഐ എസ് എല്ലിൽ 63 മത്സരങ്ങൾ കളിച്ചിട്ടുള്ള മിലൻ സിങ് രണ്ട് ഗോളുകളും ഒരു അസിസ്റ്റും നേടിയിട്ടുണ്ട്.
