പ്രീ-സീസൺ ഒരുക്കങ്ങളുടെ അവസാന ഘട്ടമായി കേരള ബ്ലാസ്റ്റേഴ്സ് എഫ്സി യുഎയിലേക്ക് യാത്ര തിരിച്ചു. ഇന്ന് ടീം കൊച്ചിയിൽ നിന്ന് ദുബായിലേക്ക് വിമാനം കയറി. സെപ്റ്റംബർ 16 വരെ പതിനൊന്ന് ദിവസം നീണ്ടുനിൽക്കുന്ന പരിശീലന ക്യാമ്പാണ് ബ്ലാസ്റ്റേഴ്സിന് യുഎഇയിലുള്ളത്. യുഎഇ പ്രോ-ലീഗ് ക്ലബ്ബുകളുമായി മൂന്ന് സൗഹൃദ മത്സരങ്ങളും ഈ കാലയളവിൽ കേരള ബ്ലാസ്റ്റേഴ്സ് എഫ്സി കളിക്കും.
സെപ്റ്റംബർ 9ന് അൽ വാസൽ എഫ്സിക്കെതിരെയാണ് സബീൽ സ്റ്റേഡിയത്തിൽ കേരള ബ്ലാസ്റ്റേഴ്സിന്റെ ആദ്യ സൗഹൃദ മത്സരം. ആ മത്സരത്തിനായുള്ള ടിക്കറ്റുകൾ ഇതിനകം വിൽപ്പന ആരംഭിച്ചിട്ടുണ്ട്. സെപ്റ്റംബർ 12ന് ഷാർജ ഫുട്ബോൾ സ്റ്റേഡിയത്തിൽ ഷാർജ ഫുട്ബോൾ ക്ലബ്ബിനെയും സെപ്റ്റംബർ 15ന് കഴിഞ്ഞ വർഷത്തെ പ്രോ ലീഗ് ചാംപ്യന്മാരായ അൽ അഹ്ലിയെയും നേരിടും. ഷഹാബ് അൽ അഹ്ലി സ്റ്റേഡിയം അൽ അവിർ ദുബായിലാണ് ബ്ലാസ്റ്റേഴ്സിന്റെ അൽ അഹ്ലിക്കെതിരായ പോരാട്ടം.
പ്രീസീസൺ മത്സരങ്ങളുടെ ടെലികാസ്റ്റ് ഉണ്ടാകുമോ എന്ന് വ്യക്തമല്ല. കൊച്ചിയിലും കൊൽക്കത്തയിലുമായി ഒരു മാസത്തിൽ അധികമായി കേരള ബ്ലാസ്റ്റേഴ്സ് പ്രീ-സീസൺ പരിശീലനം ആരംഭിച്ചിട്ട്. ബ്ലാസ്റ്റേഴ്സ് ഡ്യൂറന്റ് കപ്പിന്റെ 132-ാം പതിപ്പിലും പങ്കെടുത്തിരുന്നു. ഐ എസ് എല്ലിൽ ബെംഗളൂരുവിന് സെപ്റ്റംബർ 21ന് നേരിട്ട് കൊണ്ടാകും ബ്ലാസ്റ്റേഴ്സിന്റെ ലീഗ് സീസൺ തുടങ്ങുക.
