അടുത്ത സീസണിൽ കേരള ബ്ലാസ്റ്റേഴ്സിൽ തുടരും എന്ന് ലൂണ

ഫൈനലിലെ പരാജയം വേദനിപ്പിക്കുന്നതായിരുന്നു എന്ന് കേരള ബ്ലാസ്റ്റേഴ്സ് ക്യാപ്റ്റൻ ലൂണ. ഇന്ന് മാതൃഭൂമി ചാനലിന് നൽകിയ അഭിമുഖത്തിലാണ് ലൂണ ഫൈനലിനെ കുറിച്ച് സംസാരിച്ചത്‌. പെനാൾട്ടി ഷൂട്ടൗട്ട് ഭാഗ്യത്തിന്റെ കാര്യമാണ്. കേരള ബ്ലാസ്റ്റേഴ്സ് കിരീടം അർഹിച്ചിരുന്നു എന്നും ലൂണ പറഞ്ഞു. താൻ ഈ ക്ലബിൽ സന്തോഷവാൻ ആണ് എന്നും അടുത്ത സീസണിൽ ഇവിടേക്ക് തന്നെ വരും എന്നും ലൂണ പറഞ്ഞു. കൊച്ചിയിൽ ആരാധകർക്ക് മുന്നിൽ കളിക്കാൻ താൻ കാത്തിരിക്കുക ആണെന്നും ക്യാപ്റ്റൻ പറഞ്ഞു.

Img 20220227 015755

ആരാധകർ ഫൈനലിൽ തന്ന പിന്തുണ വലിയ സന്തോഷം നൽകി. അവർക്ക് കിരീടം നൽകാൻ കഴിയാത്തതിൽ സങ്കടം ഉണ്ട്. ഗ്രൗണ്ടിൽ ടീം നടത്തിയ പ്രകടനം അഭിമാനകരമായിരുന്നു എന്നും ലൂണ പറയുന്നു. ഇതുപോലെ ടീം തുടർന്നാൽ എന്തായലും ടീം കിരീടം നേടും എന്നാണ് വിശ്വാസം എന്നും ലൂണ പറഞ്ഞു.