മുൻ കേരള ബ്ലാസ്റ്റേഴ്സ് താരം മെഹ്താബ് ഹുസൈൻ സജീവ രാഷ്ട്രീയത്തിലേക്ക്. ദേശീയ പാർട്ടിയായ ബി ജെ പിയിൽ ചേരുന്നതാബ് മെഹ്താബ് ഔദ്യോഗികമായി അറിയിച്ചു. കൊൽക്കത്തയിലെ ഏറ്റവും പ്രമുഖനായ ഫുട്ബോൾ താരങ്ങളിൽ ഒരാളാണ് മെഹ്താബ്. ഔദ്യോഗിക ചടങ്ങിലൂടെയാണ് മെഹ്താബ് തന്റെ രാഷ്ട്രീയ പ്രവേശനം അറിയിച്ചത്. ഫുട്ബോളിൽ നിന്ന് അടുത്തിടെ മെഹ്താബ് വിരമിക്കൽ പ്രഖ്യാപിച്ചിരുന്നു.
കൊൽക്കത്തയിലെ വലിയ ക്ലബുകൾക്കായും ഇന്ത്യക്കായും ഒക്കെ ഒരുപാട് കാലം കളിച്ച താരമാണ് മെഹ്താബ്. കേരള ബ്ലാസ്റ്റേഴ്സിലും നാലു സീസണുകളോളം മെഹ്താബ് കളിച്ചിരുന്നു. മുമ്പ് കമ്മ്യൂണിസ്റ്റ് രാഷ്ട്രീയത്തിന്റെ ഭാഗമായിരുന്ന മെഹ്താബിന്റെ ഈ ചുവട് മാറ്റം ഫുട്ബോൾ ലോകത്തും രാഷ്ട്രീയ ലോകത്തും ഒരു പോലെ അത്ഭുതമായി.
