പ്രീസീസൺ മത്സരത്തിൽ കേരള ബ്ലാസ്റ്റേഴ്സ് നാളെ പഞ്ചാബ് എഫ് സിയെ നേരിടും. കൊൽക്കത്തയിൽ ഇപ്പോൾ പരിശീലനം നടത്തുന്ന കേരള ബ്ലാസ്റ്റേഴ്സ് നാളെ കൊൽക്കത്തയിലെ എ ഐ എഫ് എഫ് എക്സെലെൻസ് സെന്ററിൽ വെച്ച് ആകും പഞ്ചാബ് എഫ് സിയെ നേരിടുക. ഡ്യൂറണ്ട് കപ്പ് കളിക്കാൻ കൊൽക്കത്തയിൽ എത്തിയ കേരള ബ്ലാസ്റ്റേഴ്സ് രണ്ട് സൗഹൃദ മത്സരങ്ങളും കൊൽക്കത്തയിൽ പദ്ധയിട്ടിരുന്നു. പഞ്ചാബിനെ കൂടാതെ കേരള ബ്ലാസ്റ്റേഴ്സ് ഒരു സൗഹൃദ മത്സരം കൂടെ ഈ വരുന്ന ആഴ്ച കളിക്കും.
ഡ്യൂറണ്ട് കപ്പിൽ നേരത്തെ കേരള ബ്ലാസ്റ്റേഴ്സ് ഗ്രൂപ്പ് ഘട്ടത്തിൽ തന്നെ പുറത്ത് പോയിരുന്നു. കൊൽക്കത്തയിലെ സൗഹൃദ മത്സരങ്ങൾ കഴിഞ്ഞ് കേരള ബ്ലാസ്റ്റേഴ്സ് യു എ ഇയിലേക്ക് പറക്കും. നാളെ വൈകിട്ട് 3.30നാകും കേരള ബ്ലാസ്റ്റേഴ്സ് പഞ്ചാബ് എഫ് സി പോരാട്ടം നടക്കുക.
