മുൻ കേരള ബ്ലാസ്റ്റേഴ്സ് താരം പ്രശാന്ത് മോഹൻ ഇനി ഐ എസ് എൽ ക്ലബായ റൗണ്ട്ഗ്ലാസ് പഞ്ചാബിന് ഒപ്പം. പ്രശാന്ത് കഴിഞ്ഞ സീസണിൽ കേരള ബ്ലാസ്റ്റേഴ്സ് വിട്ട് ചെന്നൈയിനിൽ എത്തിയിരുന്നു. ചെന്നൈയിനായി 15 മത്സരങ്ങൾ താരം കളിച്ചിരുന്നു. ഒരു ഗോളും ഒരു അസിസ്റ്റും സ്വന്തമാക്കി. എന്നാൽ ഇപ്പോൾ പ്രശാന്ത് ചെന്നൈയിനും വിടുകയാണ്. പഞ്ചാബ് എഫ് സിയുമായി പ്രശാന്ത് കരാർ ധാരണയിൽ എത്തിയതായി Zillizsng റിപ്പോർട്ട് ചെയ്യുന്നു.
കൂടുതൽ അവസരങ്ങൾ ലഭിക്കാൻ വേണ്ടിയായിരിന്നു പ്രശാന്ത് കേരള ബ്ലാസ്റ്റേഴ്സ് വിട്ടത്. ചെന്നൈയിനിൽ കൂടുതൽ അവസരങ്ങൾ ലഭിക്കും എന്ന് പ്രശാന്ത് കരുതിയെങ്കിലും അവിടെയും താരം സ്ഥിരമായി ആദ്യ ഇലവനിൽ എത്തിയില്ല.
ഇതിനു മുമ്പ് അറ് സീസണുകളോളം പ്രശാന്ത് ബ്ലാസ്റ്റേഴ്സിന് ഒപ്പം ആയിരുന്നു. 2017ൽ കേരള ബ്ലാസ്റ്റേഴ്സിനായി അരങ്ങേറിയത് മുതൽ പ്രശാന്ത് ടീമിൽ സജീവമായുണ്ടായിരുന്നു. ബ്ലാസ്റ്റേഴ്സിനായി ഐ എസ് എല്ലിൽ 61 മത്സരങ്ങൾ കളിച്ചിട്ടുണ്ട്.
മുൻ ഇന്ത്യൻ അണ്ടർ 20 താരമാണ് പ്രശാന്ത് മോഹൻ. കോഴിക്കോട് സ്വദേശിയാണ് പ്രശാന്ത് മോഹൻ. ഇന്ത്യയെ അണ്ടർ 14, അണ്ടർ 16 വിഭാഗത്തിലും പ്രശാന്ത് മോഹൻ പ്രതിനിധീകരിച്ചിട്ടുണ്ട്.
