വിജയിച്ചെ പറ്റൂ, കേരള ബ്ലാസ്റ്റേഴ്സ് ഇന്ന് നോർത്ത് ഈസ്റ്റിന് എതിരെ

കേരള ബ്ലാസ്റ്റേഴ്സ് ഇന്ന് അവരുടെ സീസണിലെ അഞ്ചാം മത്സരത്തിന് ഇറങ്ങുകയാണ്. ഗുവാഹത്തിയിൽ നടക്കുന്ന മത്സരത്തിൽ നോർത്ത് ഈസ്റ്റ് യുണൈറ്റഡ് ആണ് കേരള ബ്ലാസ്റ്റേഴ്സിന്റെ എതിരാളികൾ. അവസാന മൂന്ന് മത്സരങ്ങളും പരാജയപ്പെട്ട കേരള ബ്ലാസ്റ്റേഴ്സിന് വിജയ വഴിയിലേക്ക് എത്തേണ്ടത് അത്യാവശ്യമാണ്. എതിരാളികൾ ആയ നോർത്ത് ഈസ്റ്റ് ആകട്ടെ കളിച്ച നാലു മത്സരങ്ങളും പരാജയപ്പെട്ടു നിൽക്കുകയാണ്.

നോർത്ത് ഈസ്റ്റ് യുണൈറ്റഡ് ലീഗിൽ അവസാന സ്ഥാനത്തും കേരള ബ്ലാസ്റ്റേഴ്സ് 3 പോയിന്റുമായി 9ആം സ്ഥാനത്തും നിൽക്കുന്നു‌. ഇരുടീമുകൾക്കും വിജയം ആവശ്യമായതു കൊണ്ട് തന്നെ ഒരു നല്ല മത്സരം പ്രതീക്ഷിക്കാം‌.

കേരള ബ്ലാസ്റ്റേഴ്സ് 22 11 05 01 44 09 599

കേരള ബ്ലാസ്റ്റേഴ്സ് ഈസ് ബംഗാളിനോട് വിജയിച്ചതിനു ശേഷം എടികെ, ഒഡീഷ, മുംബൈ സിറ്റി എന്നി ടീമുകളോട് പരാജയപ്പെടുകയുണ്ടായി. 4 മത്സരങ്ങളിൽ നിന്ന് 10 ഗോളുകൾ വഴങ്ങിയ ബ്ലാസ്റ്റേഴ്സിന് ഡിഫൻസും അറ്റാക്കും എല്ലാം ഇപ്പോൾ പ്രശ്നമാണ്.

പരിക്ക് മാറിയ അപോസ്തൊലിസ് ഇന്ന് ടീമിൽ ഉണ്ടാകും. ആദ്യ ഇലവനിൽ കേരള ബ്ലാസ്റ്റേഴ്സ് വലിയ മാറ്റങ്ങൾ ഇന്ന് വരുത്തിയേക്കും. ഇന്ന് രാത്രി 7.30നാണ് മത്സരം. കളി തത്സമയം സ്റ്റാർ സ്പോർട്സിലും ഹോട്സ്റ്റാറിലും കാണാം.