കേരള ബ്ലാസ്റ്റേഴ്സിന്റെ യുവ സ്ട്രൈക്കർ മുഹമ്മദ് അജ്സൽ ഇനി ഐ ലീഗിലെ പുതിയ ക്ലബായ ഇന്റർ കാശിയിൽ. ഇന്റർ കാശി ലോൺ അടിസ്ഥാനത്തിൽ ആണ് താരത്തെ സ്വന്തമാക്കുന്നത്. 20കാരനായ താരം ഈ സീസൺ അവസാനം വരെ ഇന്റർ കാശിക്ക് ഒപ്പം ഉണ്ടാകും. താരത്തിന്റെ ആദ്യ ഐ ലീഗ് ക്ലബാകും ഇത്. ഒരു വർഷം മുമ്പ് ആയിരുന്നു അജ്സൽ കേരള ബ്ലാസ്റ്റേഴ്സിൽ എത്തിയത്.
കോഴിക്കോട് സ്വദേശിയായ അജ്സൽ കോഴിക്കോട് ജില്ലാ ടീമിനായി എം എ കോളേജിനായും മുമ്പ് നല്ല പ്രകടനം കാഴ്ചവെച്ചിട്ടുണ്ട്. അജ്സൽ അവസാന സീസണുകളിൽ കേരള ബ്ലാസ്റ്റേഴ്സ് റിസേർവ്സ് ടീമിന്റെ പ്രധാന സ്ട്രൈക്കർ ആയിരുന്നു. കേരള ബ്ലാസ്റ്റേഴ്സിനൊപ്പം കേരള പ്രീമിയർ ലീഗ്, ഡ്യൂറണ്ട് കപ്പ്, നെക്സ്റ്റ് ജെൻ കപ്പ് എന്നിവ അജ്സൽ കളിച്ചിട്ടുണ്ട്. ഇന്റർ കാശിയിൽ കൂടുതൽ മാച്ച് ടൈം കിട്ടി പരിചയ സമ്പത്ത് നേടി താരം കേരള ബ്ലാസ്റ്റേഴ്സിലേക്ക് തന്നെ തിരികെയെത്തും.
