ഇന്ന് സുനിൽ ഛേത്രിയ വിവാദ ഗോൾ ആണ് ബെംഗളൂരു എഫ് സിയെ സെമി ഫൈനലിലേക്ക് എത്തിച്ചത്. സുനിൽ ഛേത്രി കേരളം ഡിഫൻഡ് ചെയ്യാൻ ഒരുങ്ങും മുമ്പ് ഫ്രീകിക്ക് എടുത്തത് ഏറെ വിവാദമാവുകയും കേരള ബ്ലാസ്റ്റേഴ്സ് കളം വിടുകയും ചെയ്തിരുന്നു. കേരള ബ്ലാസ്റ്റേഴ്സ് ചെയ്ത കാര്യം തന്റെ 22 വർഷം നീണ്ട ഫുട്ബോൾ കരിയറിൽ ഇതുവരെ കാണാത്ത കാര്യമാണ് എന്ന് ഛേത്രി പറഞ്ഞു. എന്താണ് ശരിക്കും സംഭവിച്ചത് എന്ന് അറിയില്ല. ജയിച്ചതിലും സെമിയിൽ എത്തിയതിലും താൻ സന്തോഷവാൻ ആണെന്ന് ഛേത്രി പറഞ്ഞു.
ഫ്രീകിക്ക് താം റഫറിയോട് ചോദിച്ചാണ് എടുത്തത്. റഫറി പറയാതെ താൻ എങ്ങനെ കിക്ക് എടുക്കും എന്ന് ഛേത്രി മത്സര ശേഷം പറഞ്ഞു. താൻ രണ്ടു തവണ റഫറിയോട് ചോദിച്ചു. ലൂണ ഇത് കേട്ടതാണ്. അദ്ദേഹം ആദ്യം ഫ്രീകിക്ക് തടയാൻ ശ്രമിച്ചു. രണ്ടാമതും റഫറിയോട് ചോദിച്ച ശേഷമാണ് താൻ കിക്ക് എടുത്തത് എന്ന് ഛേത്രി പറഞ്ഞു.
തനിക്ക് അങ്ങനെ കിക്ക് എടുക്കാൻ പെട്ടെന്ന് തോന്നിയത് ആണെന്നും ഈ വിവാദങ്ങൾക്ക് ഇടയിലും വിജയത്തിൽ സന്തോഷം മാത്രമെ ഉള്ളൂ എന്ന് അദ്ദേഹം പറഞ്ഞു.
