ജോബി ജസ്റ്റിൻ കേരള ബ്ലാസ്റ്റേഴ്സിൽ എത്തിയേക്കും

- Advertisement -

കേരളത്തിന്റെ പ്രിയ യുവ സ്ട്രൈക്കർ ജോബി ജസ്റ്റിൻ കേരള ബ്ലാസ്റ്റേഴ്സിലേക്ക് എത്തിയേക്കും എന്ന് സൂചന. ഇപ്പോൾ എ ടി കെ കൊൽക്കത്ത താരമായ ജോബിയുമായി കേരള ബ്ലാസ്റ്റേഴ്സ് ഇതിനകം തന്നെ ചർച്ചകൾ ആരംഭിച്ചിരിക്കുകയാണ്. മലയാളി താരമായതു കൊണ്ടു തന്നെ കേരള ബ്ലാസ്റ്റേഴ്സിന്റെ ഓഫർ ജോബി സ്വീകരിച്ചേക്കും എന്നാണ് കരുതുന്നത്.

ഈ സീസണിൽ എ ടി കെ കൊൽക്കത്തയ്ക്ക് ഒപ്പം ഐ എസ് എൽ കിരീടം നേടിയെങ്കിലും ജോബിക്ക് അധികം അവസരം ലഭിച്ചിരുന്നില്ല. ഈ സീസണിൽ പത്ത് മത്സരങ്ങൾ ആണ് ആകെ എ ടി കെ കൊൽക്കത്തയ്ക്ക് വേണ്ടി കളിക്കാൻ ജോബി ജസ്റ്റിന് ആയത്. ഇതിൽ ഭൂരിഭാഗവും സബ് ആയാണ് ജോബി കളത്തിൽ എത്തിയത്.

ഒരു ഗോളും ഒരു അസിസ്റ്റും ലീഗിൽ എ ടി കെ കൊൽക്കത്തയ്ക്കായി നൽകാൻ ജോബിക്ക് ഈ സീസണിൽ ആയിരുന്നു. ഈ സീസൺ തുടക്കത്തിൽ ആയിരുന്നു ഈസ്റ്റ് ബംഗാൾ വിട്ട് ജോബി ജസ്റ്റിൻ എ ടി കെയിലേക്ക് എത്തിയത്. ജോബി കേരളത്തിൽ എത്തിയാൽ പഴയ ഈസ്റ്റ് ബംഗാളിലെ ഫോമിലേക്ക് വരുമെന്നും പ്രതീക്ഷിക്കാം.

Advertisement