2021-22 സീസൺ മുതൽ ഇന്ത്യൻ സൂപ്പർ ലീഗിൽ ഷീൽഡ് വിന്നേഴ്സിന് ലഭിക്കുന്ന സമ്മാന തുക വർധിപ്പിച്ചു. സമ്മാന തുകയിൽ 3 കോടി രൂപ വർദ്ധിപ്പിക്കുമെന്ന് എഫ്ഡി എസ് എൽ പ്രഖ്യാപിച്ചു. 2019-20 സീസൺ മുതൽ നൽകി തുടങ്ങിയ ലീഗ് വിന്നേഴ്സ് ഷീൽഡിന് കഴിഞ്ഞ 2 സീസണുകളിലും 50 ലക്ഷം രൂപയുടെ ക്യാഷ് റിവാർഡ് ആയിരുന്നു ലഭിച്ചിരുന്നത്. ഇനി ലീഗ് വിജയികൾക്ക് 3.5 കോടി രൂപ ക്യാഷ് റിവാർഡായി ലഭിക്കും. ഒപ്പം എഎഫ്സി ചാമ്പ്യൻസ് ലീഗിൽ ഇന്ത്യയെ പ്രതിനിധീകരിക്കുന്നതിനുള്ള അവസരവും ലഭിക്കും.
ഐ എസ് എൽ ഫൈനൽ വിജയികൾ ഇനി 6 കോടി രൂപ മാതെ ലഭിക്കു. മുമ്പ് 8 കോടി രൂപ ആയിരുന്നു. റണ്ണേഴ്സ്-അപ്പിന്റെ സമ്മാന തുക 4 കോടിയിൽ നിന്ന് 3 കോടി രൂപ ആയും കുറഞ്ഞു. മറ്റ് രണ്ട് സെമി ഫൈനലിസ്റ്റുകൾക്കും 1.5 കോടി രൂപ വീതം ലഭിക്കുന്നത് തുടരും.
