ഗോവയും ചെന്നൈയിനും ഇന്ന് നേർക്കുനേർ

Img 20201219 121319

ഐ എസ് എല്ലിൽ എന്നും ആവേശകരമായ മത്സരങ്ങൾ ആണ് ചെന്നൈയിനും എഫ് സി ഗോവയും തമ്മിൽ നടക്കാറുള്ളത്. ഗോളിനും ഒരിക്കലും പഞ്ഞമുണ്ടാവാറില്ല. ഇന്ന് ഈ സീസണിൽ ആദ്യമാഇ ഗോവയും ചെന്നൈയിനും നേർക്കുനേർ വരികയാണ്. ഇത്തവണ രണ്ടു ടീമുകളും അത്ര നല്ല ഫോമിൽ അല്ല ഉള്ളത്‌. ചെന്നൈയിൻ ലീഗിൽ എട്ടാം സ്ഥാനത്തും എഫ് സി ഗോവ എഴാം സ്ഥാനത്തുമാണ് ഉള്ളത്.

അവസാന മത്സരത്തിൽ എ ടി കെയോട് പരാജയപ്പെട്ട ഗോവ തിരികെ വിജയ വഴിയിലെത്താൻ ആണ് ശ്രമിക്കുന്നത്. കഴിഞ്ഞ കളിയിൽ ഇല്ലാതിരുന്ന ബ്രാണ്ടനും ഓർടിസും ഇന്ന് ഗോവൻ നിരയിൽ മറങ്ങിയെത്തും. ചെന്നൈയിൻ ഈ സീസണിൽ ആദ്യ മത്സരത്തിൽ വിജയിച്ചത് ഒഴിച്ചാൽ പിന്നെ വിജയം കണ്ടിട്ടില്ല. ക്രിവലാരോ ഫോമിലേക്ക് ഉയരാത്തത് ആണ് ചെന്നൈയിനെ കാര്യമായി അലട്ടുന്നത്. ഇതുവരെ 17 തവണ ഗോവയും ചെന്നൈയിനും ഏറ്റുമുട്ടിയപ്പോൾ 66 ഗോളുകൾ ആണ് പിറന്നിട്ടുള്ളത്‌. രാത്രി 7.30നാണ് മത്സരം നടക്കുക.

Previous articleഡിന്നര്‍ ബ്രേക്കിന് പിരിയുമ്പോള്‍ വിക്കറ്റ് നഷ്ടമില്ലാതെ ഓസ്ട്രേലിയ, വിജയം 75 റണ്‍സ് അകലെ
Next articleഗോവയിൽ ബീറും കഴിച്ച് ഇരിക്കുക അല്ല, ടീം കഠിന പ്രയത്നത്തിലാണ് എന്ന് കിബു വികൂന