ഐ എസ് എൽ ഡെവലപ്മെന്റ് ലീഗ്; വിജയത്തോടെ എഫ് സി ഗോവ സീസൺ അവസാനിപ്പിച്ചു

Img 20220511 120726

ഐ എസ് എൽ ഡെവലപ്മെന്റ് ലീഗിൽ എഫ് സി ഗോവ വിജയത്തോടെ സീസൺ അവസാനിപ്പിച്ചു. ഇന്ന് റിലയൻസ് യങ് ചാമ്പ്സിനെ നേരിട്ട എഫ് സി ഗോവ എതിരില്ലാത്ത രണ്ട് ഗോളുകൾക്കാണ് വിജയിച്ചത്. മത്സരത്തിന്റെ അവസാന നിമിഷങ്ങളിൽ ആയിരുന്നു രണ്ട് ഗോളുകളും ഗോവ നേടിയത്‌. 77ആം മിനുട്ടിൽ റയാൻ മെനസസ് ആണ് ഗോവയ്ക്ക് ലീഡ് നൽകിയത്. പിന്നാലെ 89ആം മിനുട്ടിൽ ജോവിയൽ ഡിയസും ഗോവക്ക് വേണ്ടി ഗോൾ നേടി. ഈ വിജയത്തോടെ 7 മത്സരങ്ങളിൽ നിന്ന് 13 പോയിന്റുമായി ഗോവ സീസൺ അവസാനിപ്പിച്ചു. ഏഴ് മത്സരങ്ങളിൽ നിന്ന് 7 പോയിന്റ് മാത്രമെ യങ് ചാമ്പ്സിന് നേടാനായുള്ളൂ.