യുവ ഫോർവേഡ് ഡാനിയ ലാലിമ്പുയിയ ഒഡീഷ എഫ് സിയിൽ തുടരും. താരം രണ്ടു വർഷത്തെ പുതിയ കരാറിൽ ഒപ്പുവെച്ചതായി ഒഡീഷ എഫ് സി ഔദ്യോഗികമായി അറിയിച്ചു. 2019 സീസൺ തുടക്കം മുതൽ ഡെൽഹി ഡൈനാമോസിൽ ഡാനിയൽ ഉണ്ടായിരുന്നു. ഈ സീസണിൽ ഒഡീഷ നിരയിൽ സ്ഥിര സാന്നിദ്ധ്യം ആയിരുന്നു ഡാനിയൽ. 16 മത്സരങ്ങൾ ഈ സീസണിൽ കളിച്ച ഡാനിയലിന് പക്ഷെ ഗോളുകളോ അസിസ്റ്റുകളോ ഇത്തവണ നേടാൻ ആയില്ല.
മുമ്പ് 2015 സീസണിൽ ബെംഗളൂരു എഫ് സിയിലെ എത്തിയ താരം ബെംഗളൂരുവിനായി ഐലീഗിലും പിന്നീട് ലോണിൽ ഐ എസ് എല്ലിൽ ചെന്നൈയിൻ എഫ് സിയിലും കളിച്ചിരുന്നു. അവസരം കുറഞ്ഞതോടെ ആയിരുന്നു ബെംഗളൂരു എഫ് സി വിടാൻ താരം തയ്യാറായാത്. ഐ എസ് എല്ലിൽ ഇതുവരെ 35 മത്സരങ്ങൾ താരം കളിച്ചിട്ടുണ്ട്.
