കേരള ബ്ലാസ്റ്റേഴ്സിന്റെ ഫ്രഞ്ച് പ്രധിരോധ താരം സിറിൽ കാലിക്ക് പരിക്ക്. തായ്‌ലൻഡിൽ നടന്ന പ്രീ സീസൺ മത്സരത്തിനിടെയാണ് താരത്തിന് പരിക്കേറ്റത്. മത്സരത്തിൽ ബാങ്കോങ് യുണൈറ്റഡ് എഫ് സിയുടെ ബി ടീമിനെതിരെ കേരള ബ്ലാസ്റ്റേഴ്സ് ജയിച്ചിരുന്നു. പരിക്കേറ്റതോടെ താരത്തിന് ഐ.എസ്.എല്ലിന്റെ തുടക്കം നഷ്ടമാവുമെന്നാണ് കരുതപ്പെടുന്നത്.
അതെ സമയം വിലക്ക് മൂലം ആദ്യ മൂന്ന് മത്സരങ്ങളിൽ അനസ് എടത്തൊടികയുടെ സേവനവും കേരള ബ്ലാസ്റ്റേഴ്സിന് നഷ്ട്ടമാകും. ഇതോടെ പ്രതിരോധ നിരയിൽ മികച്ച താരങ്ങളെ കളത്തിലിറക്കുന്നത് പരിശീലകൻ ഡേവിഡ് ജെയിംസിന് കടുത്ത വെല്ലുവിളിയാകും.
